فرمان الہی
نماز کے اوقات
اسلام آباد (ایوب ناصر ،خصوصی نامہ نگار)اڈیالہ سنٹرل جیل راولپنڈی کی بیرونی سیکورٹی ریڈ الرٹ کر دی گئی ہے، کسی بھی صورتحال سے نمٹنے کیلئے خصوصی سیکورٹی پلان پر فوری طور پر عمل درآمد شروع کر دیا گیا ہے جو غیر معینہ مدت تک جاری رہے گا۔ 23انسپکٹر سات سو سے زائد سپاہی و افسر فرائض انجام دیں گے۔جیل کے راستوں پر پانچ پکٹوں پر پولیس کی بھاری نفری اور 12 تھانوں کے ایس ایچ اوز دو شفٹوں میں بارہ بارہ گھنٹے ڈیوٹی انجام دیں گے ۔اڈیالہ سنٹرل جیل کی بیرونی سیکورٹی کے لیئے پولیس نفری داہگل ناکہ، گیٹ ون، گیٹ پانچ، فیکٹری ناکہ اور گورکھ پور پکٹس پر تعینات ہو گی۔ ڈیوٹی دو شفٹوں میں تقسیم، 12تھانوں کے ایس ایچ آوز خواتین پولیس افسر، آر ایم پی فورس، پنجاب کانسٹیبلری تھانوں کے عملہ سمیت 700سے زائد اہلکار و افسر تعینات ہونگے۔
