• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مسجد اقصیٰ میں فلسطینیوں کیساتھ نماز ادائیگی دلی خواہش ہے، صدر زرداری

آج کا اخبار
اہم خبریں
29 نومبر ، 2025
اسلام آباد (نمائندہ خصوصی)صدر مملکت آصف علی زرداری نے کہا ہے کہ میری یہ دلی خواہش بھی ہے کہ ایک دن مجھے مسجد اقصیٰ میں اپنے فلسطینی بھائیوں کے ساتھ نماز ادا کرنے کی سعادت حاصل ہو۔ پاکستان ہمیشہ سے فلسطینی عوام کے ساتھ ثابت قدمی سے کھڑا رہا ہے، فلسطینیوں کے لئے ہماری حمایت انسانیت، انصاف اور برابری کی بنیادی اقدار پر قائم ہے، پاکستان اور فلسطین کے عوام کے درمیان محبت، احترام اور بھائی چارے کا رشتہ ہے، مشکل ترین حالات میں بھی پاکستانی قوم نے ہمیشہ اپنے فلسطینی بہن بھائیوں کا ساتھ دیا ہے۔ ایوان صدر کے پریس ونگ کے مطابق صدر مملکت نے بین الاقوامی یوم یکجہتی فلسطین پر اپنے پیغام میں کہا کہ فلسطین کی حمایت پاکستان کی پہچان کا حصہ رہی ہے۔
اہم خبریں سے مزید