• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران سے ملاقاتوں پر پابندی، پی ٹی آئی کا احتجاج، پولیس تشدد

آج کا اخبار
اہم خبریں
29 نومبر ، 2025
کراچی(اسٹاف رپورٹر)پاکستان تحریکِ انصاف کے سرپرستِ اعلیٰ عمران خان سے ملاقاتوں کی مسلسل بندش کے خلاف پی ٹی آئی کراچی ڈویژن کی کال پر کراچی پریس کلب کے باہر احتجاجی مظاہرہ کیا گیا، جس میں پارٹی قیادت اور کارکنوں کی بڑی تعداد نے شرکت کی۔ مظاہرے میں پی ٹی آئی سندھ کے صدر حلیم عادل شیخ، کراچی کے صدر راجہ اظہر، ویمن ونگ، لیبر ونگ، انصاف لائرز فورم، یوتھ ونگ اور مینارٹی ونگ کے رہنما شریک ہوئے۔ شرکاء نے عمران خان سے فوری ملاقاتوں کا اہتمام کرنے کا مطالبہ کرتے ہوئے کہا کہ جیل انتظامیہ اور حکومت کے اقدامات آئین، انسانی حقوق اور عدالتی احکامات کی خلاف ورزی ہیں۔احتجاج کے دوران پولیس نے کارروائی کرتے ہوئے مظاہرین پر چڑھائی کر دی اور متعدد رہنماؤں کو گرفتار کر لیا۔ جنہیں بعدازاں رہا کر دیا گیا۔پولیس کی اس کارروائی میں پی ٹی آئی سندھ کے صدر حلیم عادل شیخ، دوا خان صابر، یاسر بلوچ، انو مہدی، معظم خان، سمیت بیس سے زائد رہنماؤں و کارکنوں کو حراست میں لے کر پریڈی تھانے منتقل کر دیا گیا۔ گرفتار کارکنوں میں خواتین بھی شامل ہیں۔
اہم خبریں سے مزید