فرمان الہی
نماز کے اوقات
کراچی ( اسٹاف رپورٹر) سہ فریقی کر کٹ سیریز کا فائنل ہفتے کو پنڈی کرکٹ اسٹیڈیم میں کھیلا جائے گا، میچ شام چھ بجے شروع ہوگا، پاکستانی کھلاڑی آخری میچ میں سری لنکا کے ہاتھوں ناکامی کو فراموش کر کے فائنل جیتنے کیلئے پرعزم ہیں، ان کا کہنا ہے کہ ٹرافی جیتنے سے اگلے سال فروری میں ہونے والے ٹی ٹوئنٹی ورلڈ کپ کے لئے نیا حوصلہ جنم لے گا، فائنل سے قبل پاکستانی ٹیم کی حالیہ چند ماہ کی فتوحات اس بات کا اشارہ ہے کہ انہیں اپنے حریف کی قوت طاقت اور مہارت کا اچھی طرح اندازہ ہے، تاہم سری لنکا ٹیم کی اچانک بدلتی ہوئی پر فارمنس سے ہوشیار رہنا ہوگا۔ سری لنکا کے دشمنتھا چمیرا پاکستان کیلئے خطرے سے کم نہیں ہوں گے، پنڈی کے سرد اور خشک موسم میں دوسری اننگز میں اوس کسی بھی ٹیم پر اوس گراسکتی ہے، پاکستانی کپتان سلمان علی آغا نے کہا ہے کہ فائنل آسان نہیں، فائنل کسی بھی ایونٹ کا ہو اس کی اپنی اہمیت ہوتی ہے، ہمارے ٹاپ آرڈر بیٹرز جلد آئوٹ ہورہے تھے مگر اب اس میں مثبت تبدیلی آرہی ہے، پچھلے دو ماہ سے بہتر کرکٹ کھیل رہے، فائنل کو ورلڈ کپ کی تیاری کے طور پر کھیلیں گے۔ دوسری جانب حالیہ دورے میں ناکام ہونے والی سری لنکن ٹیم کیلئے فائنل سنہری موقع ہوگا کہ وہ اپنے دورے کو یاد گار انداز میں فنش کرسکے ۔ سری لنکا کے کپتان داسن شناکا نے کہا کہ آخری دو میچوں میں فتح نے نیا حوصلہ دیا ہے، پوری کوشش ہوگی کہ فائنل جیت کر اگلے ورلڈ کپ کی تیاری کو نیا رخ دیں۔
