• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی پی پی یوم تاسیس، پارٹی نے ہمیشہ عوامی حقوق بحالی کی جدوجہد کی، آصف زرداری

آج کا اخبار
اہم خبریں
30 نومبر ، 2025
اسلام آباد ( نمائندہ خصوصی )صدرِ مملکت آصف علی زرداری،چیئرمین سینیٹ یوسف رضا گیلا نی ،پیپلز پارٹی کے سینئر رہنما سید خورشئد احمد شاہ نے پاکستان پیپلز پارٹی کے58 ویں یومِ تاسیس پر پیغام میں چیئرمین شہید ذوالفقار علی بھٹو اور شہید محترمہ بينظير بھٹو کو خراجِ عقیدت پیش کیا ،صدر مملکت نے کہاہے کہ پی پی پی یوم تاسیس ،پارٹی نے ہمیشہ عوامی حقوق بحالی کی جدوجہد کی ، ان کے وژن، ہمت اور قربانیوں نے پاکستان کی جمہوری بنیادوں کو مضبوط کیا اور کئی نسلوں پر اثر انداز ہوئے۔اپنی پوری تاریخ میں پاکستان پیپلز پارٹی نے دور کے مرکزی چیلنجز کا مقابلہ کرنے کے لیے ہمیشہ جدوجہد کی۔ونھوں نے کہاکہ آج کے دن ہم جمہوریت، سماجی انصاف، مساوات اور تمام شہریوں،خصوصاً خواتین اور اقلیتوں کو بااختیار بنانےکے عزم کو ایک بار پھر تازہ کریں، کیونکہ ان کی فعال شمولیت پاکستان کے پُرامن اور تکثیری مستقبل کے لیے ناگزیر ہے۔
اہم خبریں سے مزید