• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خیبرپختونخوا حکومت کا ہری پور ضمنی انتخابات کی انکوائری کا حکم 

آج کا اخبار
اہم خبریں
01 دسمبر ، 2025
پشاور (سٹاف رپورٹر )خیبرپختونخوا حکومت نے ہری پور ضمنی انتخابات میں مبینہ دھاندلی کی انکوائری کا اعلان کرتے ہوئے کلاس فور سے لیکر کمشنر تک تحقیقات کا فیصلہ کیا ہے اور خبردار کیا ہے کہ اگر کوئی ملوث پایا گیا تو سخت سزا دی جائے گی ، خیبرپختونخوا کےمعاونِ خصوصی برائے اطلاعات شفیع جان نے گفتگو میں بتایا کہ وزیراعلی سہیل آفریدی نے ہری پور ضمنی انتخابات کی انکوائری کا حکم دیا ہے ان کا کہنا تھا کہ کلاس فور سے لے کر کمشنر تک تمام سطح پر انکوائری کی جائے گی اور اگر کوئی ملوث پایا گیا تو سخت سزا دی جائے گی۔انہوں نے کہا کہ ہمیں یقین ہے کہ ہمارے ماتحت افسران ملوث نہیں ہیں تاہم شفافیت کیلئے یہ انکوائری کی جا رہی ہے، میرے خیال میں سہیل آفریدی نے جس طرح انتخابات کا انعقاد کیا، اس کی مثال نہیں ملتی۔ان کا کہنا تھا کہ حکومت الیکشن کمیشن کو ہری پور انتخابات میں دھاندلی سے متعلق ریفرنس بھی بھیج رہی ہے، پریزائیڈنگ افسران کے بیانات قلم بند کئے جا رہے ہیں اور ان سے بیان حلفی بھی لیا جا رہا ہے۔
اہم خبریں سے مزید