• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

494 کھلاڑیوں اور آفیشلز پر مشتمل دستہ نیشنل گیمز میں شرکت کیلئے آج کراچی روانہ ہوگا

میرا شہر
پشاور
04 دسمبر ، 2025
پشاور (خصوصی نامہ نگار)35ویں نیشنل گیمز کیلئے خیبرپختونخوا کھلاڑیوں کا تربیتی کیمپ اختتام پذیر ہوگیا۔ صوبے کا 494 کھلاڑیوں اور آفیشلز پر مشتمل دستہ نیشنل گیمز میں شرکت کیلئے آج کراچی روانہ ہوگا۔ڈائریکٹوریٹ جنرل آف اسپورٹس خیبرپختونخوا کی جانب سے کھلاڑیوں کیلئے 14 روزہ تربیتی کیمپ کا انعقاد کیا گیا تھا۔ تربیتی کیمپ میں مختلف گیمز کے کھلاڑیوں نے تیاری کی۔خیبرپختونخوا کے کھلاڑی نیشنل گیمز میں 32 مختلف کھیلوں میں صوبے کی نمائندگی کریں گے۔چیف ڈی مشن اور ڈائریکٹر جنرل اسپورٹس خیبرپختونخوا تاشفین حیدر نے تربیتی کیمپ کے اختتام پر گفتگو کرتے ہوئے کہاکہ نیشنل گیمز ملک کا سب سے بڑا اسپورٹس ایونٹ ہیں، خیبرپختونخوا کا دستہ بھرپور تیاری کے ساتھ میدان میں اترے گا۔انہوں نے کہا کہ صوبائی حکومت اور ڈائریکٹوریٹ اسپورٹس نے کھلاڑیوں کیلئے بہترین سہولیات فراہم کیں،امید ہے کہ کھلاڑی محنت، نظم و ضبط اور جذبے کے ساتھ شاندار کارکردگی دکھائیں گے اور صوبے کیلئے زیادہ سے زیادہ میڈل جیت کر واپس آئیں گے۔تاشفین حیدر نے کوچز اور آفیشلز کی کاوشوں کو بھی سراہا اور کھلاڑیوں کیلئے نیک خواہشات کا اظہار کیا۔
پشاور سے مزید