• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان میں ایئرپورٹس کی بڑی تعداد غیر فعال، 3 پر بین الاقوامی آپریشن بند

آج کا اخبار
اہم خبریں
04 دسمبر ، 2025
کراچی( افضل ندیم ڈوگر)پاکستان میں ایئرپورٹس کی بڑی تعداد غیر فعال، 3 ایئرپورٹس پر بین الاقوامی آپریشن بند۔ تفصیلات کے مطابق پاکستان میں مجموعی طور پر چھوٹے بڑے 151ایئرپورٹس یا لینڈنگ اسٹرپس موجود ہیں لیکن فعال یا بین الاقوامی ایئرپورٹس کی تعداد 10 بتائی گئی ہے۔ جن میں کراچی، لاہور، اسلام آباد، ملتان، سیالکوٹ، پشاور فیصل آباد اور کوئٹہ جیسے 8 ایئرپورٹس کو ہی فی الوقت مکمل فعال بین الاقوامی ایئرپورٹ کہا جاسکتا ہے دیگر میں نیو گوادر، اسکردو، نیو میرپور ایئرپورٹس بین الاقوامی درجہ رکھتے ہوئے غیرفعال ہیں۔ کراچی لاہور اسلام آباد کہنے کو بڑے اور بین الاقوامی ایئرپورٹس ہیں مگر دن کے اوقات میں یہاں اکا دکا غیرملکی پروازوں کی آمد و رفت کی وجہ سے دنیا کے ہم پلا ایئرپورٹس نہیں۔ جہاں بہت کم تعداد میں ملکی اور غیر ملکی پروازیں آپریٹ کی جاتی ہیں۔ یہ بھی حقیقت ہے کہ خطیر لاگت سے تیار ملک کا ایک بڑا ایئرپورٹ نیو گوادر بین الاقوامی کے طور پر افتتاح کے بعد سے ملکی اور غیر ملکی پروازوں کے بغیر ویران ہے۔ ملک کے مقامی سطح کے ایئرپورٹس کی تعداد 43 ہے جبکہ 98انتہائی چھوٹے ایئرپورٹس لینڈنگ اسٹرپس یا فوجی ہوا بازی کی سہولیات کے مقامات ہیں۔ وکی پیڈیا نے ملک کے صف اول کے انٹرنیشنل ایئرپورٹس کی فہرست میں اسلام آباد، کراچی، لاہور کے علاوہ نیو میرپور انٹرنیشنل ایئرپورٹ آزاد کشمیر کو رکھا ہے۔
اہم خبریں سے مزید