• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی، گھگھر پھاٹک پر واقع مدرسے کے طالبعلم کو کچے کے ڈاکوؤں نے اغوا کرلیا

آج کا اخبار
اہم خبریں
05 دسمبر ، 2025
کراچی( اسٹاف رپورٹر )گھگھر پھاٹک پر واقع مدرسے کے طالبعلم کو مبینہ طور پر کچے کے ڈاکوئوں نے اغوا کرلیا، استاد مدرسہ کے مطابق ملزمان نے طالب علم سلیم خان کی بازیابی کے لئے 50 لاکھ روپے تاوان طلب کیا ہے۔مدرسہ انتظامیہ کی جانب سے تھانہ اسٹیل ٹاؤن اور ایس ایس پی ملیر آفس میں درخواست جمع کروا کردی گئی ہے۔مدرسہ انتظامیہ کے مطابق طالب علم سلیم خان 20 نومبر کی صبح چھٹی لیکر اہلخانہ سے ملاقات کیلئے گاؤں گیا ۔25 نومبر کو ایک نامعلوم واٹس ایپ نمبر سے مدرسہ کے استاد کو سلیم خان کی وائس موصول ہوئی جس میں اس نے بتایا کہ اسے کچے کے ڈاکوؤں نے اغواء کر لیا ہے اور اس پر جسمانی تشدد کیا جا رہا ہے اور ملزمان نے اس کی بازیابی کے لئے 50 لاکھ روپے تاوان طلب کیا۔
اہم خبریں سے مزید