فرمان الہی
نماز کے اوقات
کراچی( افضل ندیم ڈوگر )سندھ حکومت کے نئے منصوبے ایس 4 کے جدید ترین اے آئی کیمروں کی مدد سے کراچی سے چھینی یا چوری کی گئی 150 سے زائد گاڑیاں برآمد کرلی گئی ہیں جبکہ ایک خاتون سمیت 200 ملزمان کو گرفتار کیا جا چکا ہے۔ پولیس ذرائع کے مطابق چہروں اور نمبر پلیٹس کی شناخت کرنے والے جدید ترین آرٹیفیشل انٹیلیجنس کیمرے مختلف شہروں کے داخلی اور خارجی راستوں پر لگائے گئے ہیں۔ کراچی سے چھینی و چوری کی گئی تمام گاڑیوں اور مطلوب ملزمان کا ڈیٹا بھی ایس فور کیمروں کے ڈیٹا بینک میں شامل کیا گیا ہے۔ جونہی چوری شدہ گاڑی یا ملزمان شہروں کے انٹری ایگزٹ راستوں سے گزرتے ہیں ہے تو اے آئی کیمروں سے مذکورہ گاڑیوں اور ملزمان کی ازخود فوری نشاندہی ہو جاتی ہے۔ کراچی میں حال ہی میں تشکیل دی گئی سندھ پولیس ہائی وے پیٹرول کا عملہ مذکورہ گاڑیوں کو روک کر ملزمان کو گرفتار کرتا ہے۔
