• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی ایئرپورٹ کے جناح ٹرمینل میں نیولے کا مٹر گشت

آج کا اخبار
اہم خبریں
11 دسمبر ، 2025
کراچی( جنگ نیوز)کراچی ائرپورٹ کے جناح ٹرمینل میں نیولے نے مٹر گشت کرتے ہوئے انتظامیہ کی دوڑیں لگوا دیں۔ترجمان پی اے اے نے بتایا کہ متعلقہ افسران کے علم میں لاکر اقدامات شروع کردیئے گئے۔ذرائع نے بتایا کہ کراچی ائرپورٹ کے جناح ٹرمینل کی بالائی منزل پر ایک نیولا دیکھا گیا جو ایک بند دفتر کے اندر چلا گیا تھا۔ پاکستان ایوی ایشن اتھارٹی کے مطابق جناح ٹرمینل کسٹمز کو ریڈور میں نیولے کی ویڈیو سامنے آنے پر نوٹس لےلیا گیا ہے۔ نیولے کو پکڑنے اور راستے کو محفوظ بنا کر حفاظتی اقدامات کر رہے ہیں۔انہوں نے کہا کہ اس طرح کے جانوروں کا ائر پورٹ میں آزادانہ مٹر گشت کسی بڑی پریشانی کا سبب بن سکتا ہے، نیولا حساس کمیونی کیشن کیبلز اور بجلی کی تاروں کو کاٹ سکتا ہے۔
اہم خبریں سے مزید