کوئٹہ ( اسٹاف رپورٹر)ڈائریکٹر جنرل ایف آئی اے رفعت مختار نے کہا ہے کہ انسانی سمگلنگ اور حوالہ ہنڈی میں ملوث منظم گروہوں بجلی چوری اور ملکی معیشت کو نقصان پہنچانے میں ملوث ملزمان کو قانون کے کٹہرے میں لایا جائے ان خیالات کا اظہار انہوں نے گزشتہ روز ایف آئی اے زونل آفس بلوچستان کے دورے کے دوران بات چیت کرتے ہوئےکیا اس موقع پر انہوں نے انتظامی اور تفتیشی امور کا جائزہ لیا ڈائریکٹر بلوچستان زون بہرام خان نے بلوچستان زون کی مجموعی کارکردگی اور جاری کارروائیوں کے حوالے سے بریفنگ دی انہوں نے بتایا کہ رواں سال حوالہ ہنڈی اور غیر قانونی کرنسی ایکسچینج میں ملوث عناصر کے خلاف 89 مقدمات درج اور112 ملزمان کو گرفتار کیا گیا ملزمان سے 45730 امریکی ڈالر، 190 ملین روپے سے زائد مالیت کی غیر ملکی کرنسی اور 4 کروڑ 67 لاکھ پاکستانی روپے برآمد کئے گئےبجلی چوری میں ملوث ملزمان 5 کروڑ 67 لاکھ سے زائد کی ریکوری کی گئی انسانی سمگلنگ میں ملوث عناصر کے خلاف 409 مقدمات درج کئے گئے،غیر قانونی بارڈر پار کرنے میں ملوث 3567 ملزمان کو گرفتار کیا گیا 39 انسانی سمگلروں کو بھی گرفتار کیا گیا ڈی جی ایف آئی اے رفعت مختار نے منظم جرائم کے خلاف بلوچستان زون کی کارکردگی کو سراہااور بہترین کارکردگی دکھانے والے افسران کے لئے تعریفی سرٹیفیکیٹ کا بھی اعلان کیا انہوں نے کہا کہ انسانی سمگلنگ اور حوالہ ہنڈی میں ملوث منظم گروہوں کے خلاف سخت کارروائی اور مؤثر کریک ڈاؤن جاری رکھا جائے بجلی چوری اور ملکی معیشت کو نقصان پہنچانے میں ملوث ملزمان کو قانون کے کٹہرے میں لایا جائے انہوں نے بلوچستان زون کی عملی کارکردگی کو مزید بہتر بنانے کے لئے پلان طلب کر لیا اور بلوچستان زون میں لاجسٹک سہولیات کی بہتری کے لئے بھی جامع رپورٹ طلب کی۔
فرمان الہی
نماز کے اوقات
