• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی سے اغوا شہری لاڑکانہ سے مل گیا، اغواء کار ہائی وے پر پھینک کر فرار

آج کا اخبار
اہم خبریں
15 دسمبر ، 2025
کراچی ( اسٹاف رپورٹر )کراچی سے مبینہ طور پر اغوا ہونے والا شہری لاڑکانہ سے مل گیا، اغواء کار ہائی وے پر پھینک کر فرار ہوگئے۔پولیس حکام کا کہنا ہے کہ اتوار کی صبح بلوچ کالونی کے علاقے سے مبینہ طور پر اغوا ہونے والا شہری لاڑکانہ سے مل گیا۔واقعہ کا مقدمہ اغوا ہونے والے محمد اشرف کے بیٹے محمد فراز کی مدعیت میں تھانہ بلوچ کالونی میں درج کیا گیا تھا۔شہری کی گاڑی جامشورو ٹول پلازا کے قریب سے ملی ہے۔پولیس حکام کے مطابق پولیس کی چیکنگ کے باعث ملزمان مغوی شہری کو لاڑکانہ میں گاڑی سے باہر پھینک کر فرار ہوگئے۔حکام کے مطابق ممکنہ طور پر مغوی کو کشمور کے کچے کے علاقے میں منتقل کیا جا رہا تھا۔پولیس حکام کے مطابق شہری کو قانونی کارروائی کے بعد کراچی منتقل کیا جائے گا۔
اہم خبریں سے مزید