• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جامعہ بلوچستان ایڈوانسڈ اسٹڈیز اینڈ ریسرچ بورڈ کا اجلاس

میرا شہر
کوئٹہ
16 دسمبر ، 2025
کوئٹہ(اسٹاف رپورٹر)جامعہ بلوچستان ایڈوانسڈ اسٹڈیز اینڈ ریسرچ بورڈ کا 192 واں اجلاس وائس چانسلر پروفیسر ڈاکٹر ظہور احمد بازئی کی زیر صدارت ہوا جس میں پرو وائس چانسلر ڈاکٹر غلام رزاق شاہوانی ، رجسٹرار محمد طارق جوگیزئی ، چیئرمین گریجویٹ اسٹڈیز آفس ڈاکٹر محمد قیصر اقبال ، کنٹرولر امتحانات ڈاکٹر محمد شریف حسنی ، مختلف فیکلٹیز کے ڈینز ، ڈائریکٹرز ، شعبہ جات کے سربراہان اور بورڈ کے دیگر ارکان نے شرکت کی اجلاس میں اعلیٰ تعلیم اور تحقیق سے متعلق اہم امور پر تفصیلی غور کیا گیا اجلاس میں 35 ایم فل ، 21 پی ایچ ڈی اور متعدد ایم ایس ریسرچ و ڈگری کیسز سمیت دیگر تحقیقی دستاویزات کی منظوری شامل تھی وائس چانسلر پروفیسر ڈاکٹر ظہور احمد بازئی نے اجلاس سے خطاب کرتے ہوئے تحقیق کے معیار ، جدت اور علاقائی و قومی ضروریات سے ہم آہنگی کی اہمیت پر زور دیتے ہوئے تاکید کی کہ پی ایچ ڈی تحقیقی نتائج اور رپورٹس متعلقہ محکموں اور فیلڈز کے ساتھ شیئر کی جائیں تاکہ تحقیق کے نتائج کو عملی سطح پر مؤثر انداز میں بروئے کار لایا جاسکے اجلاس میں تحقیقی میں بہتری ، تحقیقی جرائد میں اشاعت اور پوسٹ گریجویٹ ریسرچ کی نگرانی کے نظام کو مزید موثر بنانے سے متعلق اقدامات کا بھی جائزہ لیا گیا جبکہ بورڈ نے مختلف شعبہ جات سے موصول ہونے والے نئے اور جاری ایم ایس ، ایم فل اور پی ایچ ڈی ڈگری پروگرامز ، تحقیقی خلاصوں اور تھیسس رپورٹس کی بھی منظوری بھی دی۔
کوئٹہ سے مزید