• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسٹاک ایکسچینج، 877 پوائنٹس کا اضافہ، ایک لاکھ 70 ہزار پوائنٹس کا سنگ میل عبور

آج کا اخبار
اہم خبریں
16 دسمبر ، 2025
کراچی ( اسٹاف رپورٹر)پاکستان اسٹاک ایکس چینج، مثبت معاشی خبروں کی وجہ سےنئے کاروباری ہفتے کے آغاز پر تیزی کارحجان،کے ایس ای100انڈیکس877پوائنٹس کے اضافے سے پہلی مرتبہ ایک لاکھ70ہزار پوائنٹس کا سنگ میل عبور کر گیا ،49.17فیصد کمپنیوں کے شیئرز کی قیمت بڑھ گئی،سرمایہ کاری مالیت 83ارب 71کروڑ 6 لاکھ روپے بڑھ گئی،کاروباری حجم بھی 3.74فیصد زیادہ رہا، تفصیلات کے مطابق مختلف مثبت معاشی خبروں کی وجہ سے نئے کاروباری ہفتے کے پہلے روز مارکیٹ 428 پوائنٹس کے اضافے پر کھلی جس کے بعد مالیاتی اداروں اور مقامی سرمایہ کاروںکی بھاری سرمایہ کاری سے ایک موقع پر 100انڈیکس 1137 پوائنٹس کے اضافے سے ایک لاکھ 71 ہزار پوائنٹس کی حد بھی عبور کر گیا تاہم اختتام پر کے ایس ای100انڈیکس 876.82پوائنٹس کے اضافےسے 169864.53 پوائنٹس سے بڑھ کر 170741.35 پوائنٹس پر آکر بند ہوا۔
اہم خبریں سے مزید