فرمان الہی
نماز کے اوقات
برطانیہ کے مختلف علاقوں میں شدید بارشوں کیلئے محکمہ موسمیات کی طرف سے امبر وارننگ جاری کرتے ہوئے غیر ضروری سفر سے اجتناب کرنیکی ہدایات جاری کر دیں۔
برطانوی ذرائع ابلاغ کے مطابق شدید بارش سے سفری مشکلات پیش آ سکتی ہیں، ریل آپریٹرز نے سیلابی صورتحال کے پیش نظر مسافروں کو سفر نہ کرنیکی تنبیہ کی ہے‘ بارش سے ساؤتھ ویلز سب سے زیادہ متاثر ہونیکی توقع کی جا رہی ہے۔
آج رات 9 بجے تک امبر وارننگ نافذ رہے گی جبکہ سو ملی میٹر تک بارش ہونیکی توقع کی جا رہی ہے،جنوب مغربی اور شمال مغربی انگلینڈ، شمال مشرق کے علاقوں اور ساؤتھ اور ویسٹ ویلز کے بعض مقامات پر بارش کے لیے ییلو وارننگ بھی فعال ہے۔
محکمہ موسمیات کی طرف سے 150 اور ماحولیاتی ایجنسی کی طرف سے 7وارننگز سمیت انگلینڈ کیلئے 78الرٹس جاری کیے جا چکے ہیں مغربی حصوں میں بارش کے اثرات زیادہ محسوس ہونگے کیونکہ یہاں سیلابی صورتحال کا خطرہ سب سے زیادہ ہے۔
نیچرل ریسورسز ویلز‘ سکاٹش انوائرنمنٹ پروٹیکشن ایجنسی اور میٹ آفس کی طرف سے بھی متعدد علاقوں میں سیلاب کی وارننگز جاری کی ہے‘ ٹرین اور بس سروسز کیساتھ عمارتوں کو بھی نقصان پہنچنے کا اندیشہ ہے۔
