فرمان الہی
نماز کے اوقات
کراچی (اسٹاف رپورٹر)میئر کراچی بیرسٹر مرتضیٰ وہاب نے 20 کروڑ روپے کی لاگت سے کڈنی ہل پارک میں جدید برڈ آئیوری (Bird Aviary) کی تعمیر کا سنگ بنیاد رکھ دیا اس موقع پر انہوں نے میڈیا کے نمائندوں سے گفتگو کرتے ہوئے کہا کہ برڈ آئیوری منصوبہ کراچی میں پرندوں کے تحفظ کے ساتھ ساتھ سیاحت کے فروغ میں اہم کردار ادا کرے گا،یہ برڈ آئیوری قدرتی ماحول کے عین مطابق ڈیزائن کی گئی ہے تاکہ پرندوں کو محفوظ اور قدرت کے قریب ماحول فراہم کیا جا سکے، کڈنی ہل پارک میں گزشتہ چند برسوں کے دوران انکروچمنٹ کے خاتمے کے بعد اس علاقے کو ایک خوبصورت اربن فاریسٹ میں تبدیل کیا گیا ، کراچی چڑیا گھر اور سفاری پارک میں جدید اور وسیع برڈ آئیوری تعمیر کی جائے گی، میڈیا کے ایک سوال کے جواب میں میئر کراچی نے کہا کہ تمام منصوبوں کو طے شدہ ٹائم فریم کے تحت مکمل کرنے کا ہدف دیا گیا ہے، کام میں کوتاہی کرنے والے کنٹریکٹرز کو بلیک لسٹ کیا جائے گا۔
