فرمان الہی
نماز کے اوقات
اسلام آباد( نیو زر پورٹر) وزیر اعظم محمد شہباز شریف نے گزشتہ روز بنگلہ دیش کی سابق وزیر اعظم اور بنگلہ دیش نیشنلسٹ پارٹی کی چیئرپرسن بیگم خالدہ ضیاء کے انتقال پر اظہار تعزیت کے لیے عوامی جمہوریہ بنگلہ دیش کے ہائی کمیشن کا دورہ کیا۔ وزیراعظم نے بنگلہ دیش کے ناظم الامور سے تعزیت کا اظہار اور فاتحہ خوانی کی ۔اس موقع پر وزیر اعظم شہبا ز شریف نےبیگم خالدہ ضیاء کو زبردست خراج عقیدت پیش کرتے ہوئے کہا کہ خالدہ ضیاء پاکستان اور اس کے عوام کی خیرخواہ تھیں،وزیر اعظم نے تعزیتی کتاب میں پیغام ریکارڈ کیا اور مرحومہ کی روح کے لیے فاتحہ خوانی کی۔ اپنے تعزیتی پیغام میں وزیراعظم نے بیگم خالدہ ضیاء کو زبردست خراج عقیدت پیش کرتے ہوئے انہیں ایک صاحب بصیرت رہنما اور ایک نامور سیاسی شخصیت قرار دیا جنہوں نے اپنی زندگی عوامی خدمت کے لیے وقف کردی۔ بیگم ضیاء کو پاکستان اور اسکے عوام کی مخلص دوست و خیر خواہ کے طور پر یاد کرتے ہوئے وزیراعظم نے کہا کہ انہوں نے ایک لازوال اور متاثر کن میراث چھوڑی ہے۔
