• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایف آئی اے امیگریشن ملتان نے سال 2025 کے دوران بین الاقوامی آمد اور روانگی پر 1.41 ملین مسافروں کو کامیابی سے پروسس کیا

آج کا اخبار
اہم خبریں
08 جنوری ، 2026
کراچی( ثاقب صغیر )ایف آئی اے امیگریشن ملتان نے سال 2025کے دوران بین الاقوامی آمد اور روانگی پر1.41ملین مسافروں کو کامیابی سے پروسس کیا۔ سال 2025کے دوران 4224 پروازوں سے0.71ملین مسافرملتان ایئرپورٹ سے روانہ ہوئے۔ 3795پروازوں سے 0.70 ملین مسافر مختلف ممالک سے ملتان پہنچے۔سال 2025 کے دوران ایف آئی اے امیگریشن ملتان نے سنگین جرائم میں مطلوب 115ملزمان کو گرفتار کیا۔گرفتار ملزمان میں 43 ملزمان کو بیرون ملک فرار ہونے پر جبکہ 72 ملزمان کو پاکستان پہنچنے پر گرفتار کیا گیا۔گرفتار ملزمان کے نام اسٹاپ لسٹ میں شامل تھے۔ملزمان میں 3 پنجاب پولیس، 70 ملزمان اینٹی ہیومن ٹریفکنگ سرکلز کو، 2 انسداد منشیات فورس جبکہ 40 کسٹم اور دیگر قانون نافذ کرنے والے اداروں کو مطلوب تھے۔سال 2025کے دوران 20 مسافروں کو جعلی ویزا، ٹمپرڈ پاسپورٹ اور جعلی مہروں پر گرفتار کیا گیا۔ انسانی اسمگلنگ جیسے گھناؤنے جرم کی روک تھام کے لئے خصوصی اقدامات کئے گئے۔ملتان ایئرپورٹ پر تعینات امیگریشن حکام کے لئے انٹرنیشنل اداروں کی معاونت سے 7ٹریننگز کا انعقاد کیا گیا۔سال 2025میں 20سے زائد امیگریشن افسران کو انسانی اسمگلنگ کی روک تھام کے حوالے سے ٹریننگ دی گئی۔
اہم خبریں سے مزید