• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فیڈرل بورڈ کا انٹرمیڈیٹ فرسٹ ایئر سالانہ امتحان 2026 کا شیڈول جاری

میرا شہر
اسلام آباد
10 جنوری ، 2026
اسلام آباد ( عاطف شیرازی ) فیڈرل بورڈ آف انٹرمیڈیٹ اینڈ سیکنڈری ایجوکیشن نے انٹرمیڈیٹ فرسٹ ایئر سالانہ امتحان 2026 کے شیڈول کا باضابطہ اعلان کر دیا ہے۔ بورڈ کے مطابق فرسٹ ایئر کے سالانہ امتحانات کا آغاز 28 اپریل 2026 سے ہوگا۔ بورڈ نے فرسٹ ایئر سالانہ امتحان کے لیے آن لائن داخلہ فارم جمع کرانے کا شیڈول بھی جاری کر دیا ہے، جس کے تحت نارمل فیس کے ساتھ داخلہ فارم جمع کرانے کی آخری تاریخ 3 فروری مقرر کی گئی ہے، جبکہ ڈبل فیس کے ساتھ فارم 4 سے 12 فروری تک جمع کرائے جا سکیں گے۔ تین گنا فیس کے ساتھ داخلہ فارم جمع کرانے کی آخری تاریخ 24 فروری ہے۔شیڈول کے مطابق ریگولر، پرائیویٹ اور امپروومنٹ امیدواروں کے لیے فیس کا تعین کر دیا گیا ہے۔ فرسٹ ایئر امتحانی فیس 2700 روپے جبکہ نان رجسٹرڈ امیدواروں کے لیے 4200 روپے مقرر کی گئی ہے۔ فرسٹ ایئر اور سیکنڈ ایئر کے مشترکہ امتحان کی فیس 5400 روپے ہوگی۔ داخلہ فارم میں تصحیح یا رول نمبر سلپ میں درستگی کے لیے 2000 روپے فیس مقرر کی گئی ہے، تاہم یتیم، معذور اور قیدی امیدواروں سے امتحانی فیس وصول نہیں کی جائے گی۔
اسلام آباد سے مزید