• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاقی وزیر شزا فاطمہ سے دبئی رئیل اسٹیٹ کمپنی داماک پراپرٹیز کے سجوانی بزنس وفد کی ملاقات

آج کا اخبار
اہم خبریں
10 جنوری ، 2026
اسلام آباد(ساجد چوہدری ) وفاقی وزیر انفارمیشن ٹیکنالوجی و ٹیلی کمیونیکیشن شزا فاطمہ خواجہ سے دبئی کی رئیل اسٹیٹ کمپنی داماک پراپرٹیز کے سجوانی بزنس وفد نے ملاقات کی،داماک وفد میں کو-منیجنگ ڈائریکٹر داماک گروپ و سی ای او پرائپکو امیرہ حسین سجوانی ،چیئرمین ون گروپ سید ذیشان شاہ ،چیف کمرشل آفیسر ون ہومز عقیب حسن اور جنرل منیجر ٹوکنائزیشن پرائپکو جوزف ایل اُوم شامل تھے، ملاقات میں پاکستان کے بڑھتے ہوئے ڈیجیٹل اور ٹیکنالوجی ایکو سسٹم میں تعاون کے امکانات پر بات چیت کی گئی، سجوانی وفد کو پاکستان کے ڈیجیٹائزیشن وژن پر تفصیلی بریفنگ دی گئی، جس میں خواتین کی ڈیجیٹل اور مالی انکلوژویٹی پر خصوصی زور دیا گیا، وفاقی وزیرشزا فاطمہ نے کہا کہ وزیراعظم شہباز شریف کا ڈیجیٹل نیشن پاکستان وژن حکومت کی ڈیجیٹل پالیسیوں اور اصلاحات کی بنیاد ہے، جس کا مقصد ایک جامع اور انوویشن پر مبنی ڈیجیٹل معیشت کا قیام ہے، انہوں نے کہا کہ وزیراعظم کے رمضان پیکج کے تحت بینظیر انکم سپورٹ پروگرام کے ذریعے صرف ایک ماہ میں پانچ لاکھ خواتین کے ڈیجیٹل والٹس کھولے گئے، جو مالی انکلوژویٹی کی جانب ایک اہم قدم ہے، فریقین کے درمیان آؤٹ سورسنگ کے مواقع، پاکستان کے ٹیک ٹیلنٹ کی شناخت اور استعمال، پراپرٹی ٹیکنالوجی اور ٹوکنائزیشن کے ذریعے ایفیشینسی کو بروئے کار لانے، کارکردگی بہتر بنانے اور رئیل اسٹیٹ و مالیاتی شعبوں میں لیکویڈیٹی بڑھانے پر بھی تفصیلی تبادلۂ خیال ہوا، سجوانی وفد نے پاکستانی نوجوانوں کی صلاحیتوں اور ملک کے ڈیجیٹلائزیشن فریم ورک کو سراہا اور پراپ ٹیک، ٹوکنائزیشن اور ٹیکنالوجی پر مبنی سرمایہ کاری میں پاکستان کے وسیع امکانات پر بھرپور اعتماد کا اظہار کیا، وفاقی وزیر نے عالمی شراکت داریوں کے فروغ، انوویشن کی حوصلہ افزائی، اور بین الاقوامی سرمایہ کاری کو متوجہ کرنے کے لیے سازگار ڈیجیٹل ماحول کی فراہمی کے عزم کا اعادہ کیا تاکہ پاکستان کی ڈیجیٹل تبدیلی کو مزید تیز کیا جا سکے۔
اہم خبریں سے مزید