• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملک بھر میں ہفتہ وار مہنگائی میں مزید اضافہ، سالانہ بنیاد پر بھی مہنگائی 3.20 فیصد ہوگئی

آج کا اخبار
اہم خبریں
10 جنوری ، 2026
لاہور (نیوزرپورٹر)ملک میں ہفتہ وار مہنگائی میں 0.12فیصد اضافہ ہوگیا ہے اور سالانہ بنیاد پر بھی مہنگائی 3.20فیصد ہوگئی ہے۔21اشیائے ضروریہ مہنگی، 8کی قیمتوں میں کمی جبکہ 22اشیائے ضروریہ میں استحکام،وفاقی ادارہ شماریات کی رپورٹ کے مطابق حالیہ ہفتے 21اشیائے ضروریہ مہنگی، 8کی قیمتوں میں کمی جبکہ 22اشیائے ضروریہ کی قیمتوں میں استحکام رہا ہے۔رپورٹ میں بتایا گیا کہ انڈے 1.44فیصد، پیاز 2.20فیصد، آلو 3.73 فیصد، ٹماٹر 0.05فیصد،کیلے 0.21فیصد، دال چنا 1.51فیصد، دال مسور 0.38فیصد اور دال ماش کی قیمت میں 0.65فیصدکمی واقع ہوئی ہے۔اسی طرح چکن کی قیمت میں 2.86فیصد، سرخ مرچ پاوڈر کی قیمت میں 1.01فیصد، لہسن کی قیمت میں 2.44 فیصد، چائے کی قیمت میں0.73فیصد، آٹے کی قیمت میں5.07 فیصد، ایل پی جی کی قیمت میں 0.88 فیصد، چینی کی قیمت میں 0.58 فیصد، بریڈ کی قیمت میں 0.51 فیصد، جلانے والی لکڑی کی قیمت میں 0.25 فیصد اور باسمتی ٹوٹا چاول کی قیمت میں 0.41 فیصد اضافہ ہوا۔
اہم خبریں سے مزید