• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاقی آئینی عدالت کا پرائیویٹ اداروں کے ملازمین کو اولڈ ایج پنشن دینے کا حکم

آج کا اخبار
اہم خبریں
10 جنوری ، 2026
اسلام آباد (این این آئی) وفاقی آئینی عدالت نے پرائیویٹ اداروں کے ملازمین کو اولڈ ایج پنشن دینے کا حکم دیا ہے۔ عدالت نے کہا کہ سروس کے چھ ماہ یا زائد عرصے کو پورا ایک سال تصور کیا جائیگا۔وفاقی آئینی عدالت نے ای او بی آئی کی جانب سے دائر تمام اپیلیں خارج کرتے ہوئے لاہور ہائی کورٹ کے 2024اور 2025کے فیصلے برقرار رکھا اور ای او بی آئی کو تمام درخواست گزاروں کو ماہانہ اولڈ ایج پنشن دینے کا حکم دیا۔ چیف جسٹس امین الدین خان کی سربراہی میں تین رکنی بینچ نے فیصلہ دیا اور جسٹس حسن اظہر رضوی نے تحریری فیصلہ جاری کیا۔ وفاقی آئینی عدالت نے کہا کہ لاہور ہائیکورٹ کے فیصلے درست ہیں، مداخلت کی کوئی گنجائش نہیں، شیڈول کو قانون کا لازمی حصہ قرار دیا۔آئینی عدالت نے کہا کہ ای او بی آئی کی 2022 کا سرکلر پنشن کے حق کو متاثر نہیں کر سکتا، فلاحی قانون کی سخت تشریح سے پنشن سے محروم کرنا ناانصافی ہے۔ وفاقی آئینی عدالت نے کہا کہ ساڑھے 14 سال سے زائد سروس 15 سال کی سروس تصور ہونگی، پنشن کے معاملے میں راؤنڈنگ آف کا اصول لاگو ہوگا۔
اہم خبریں سے مزید