فرمان الہی
نماز کے اوقات
کراچی (اسٹاف رپورٹر)پاکستان سپر لیگ (پی ایس ایل) کے 11ویں ایڈیشن کے لیے دو نئی ٹیموں کی نیلامی کے بعد اب پلیئرز ڈرافٹ کی تیاریاں شروع کردی گئی ہیں، ذرائع کے مطابق پی ایس ایل انتظامیہ نے ڈرافٹ کے حوالے سے حکمت عملی جاری ہے ، گیارہویں ایڈیشن کے لیے ڈرافٹ 30 جنوری کو اسلام آباد میں ہونے کا امکان ہے۔ذرائع کا کہنا ہے کہ ڈرافٹ سے قبل تمام معاملات جلد ختم کرنے کی منصوبہ بندی کرلی گئی ہے۔ ڈرافٹ کے وینیو اور تاریخ کا باضابطہ اعلان جلد کردیا جائے گا۔ذرائع کے مطابق ڈرافٹنگ کا عمل ممکنہ طور پر پاکستان اور آسٹریلیا کے درمیان ٹی ٹوئنٹی سیریز کے دوران ایک دن کے وقفے میں ہوگا۔واضح رہے کہ اس ڈرافٹ میں تمام 8 فرنچائزز مالکان، کوچز اور دیگر نمائندے شریک ہوں گے۔پی ایس ایل میں لاہور قلندرز، کراچی کنگز، پشاور زلمی، کوئٹہ گلیڈی ایٹرز، اسلام آباد یونائیٹڈ اور ملتان سلطانز کے علاوہ اب 11ویں ایڈیشن میں سیالکوٹ اور حیدرآباد کی ٹیمیں بھی شامل ہوں گی۔ ٹیموں کے مالکان، کوچز اور نمائندے ڈرافٹ میں شریک ہوں گے، غیر ملکی کھلاڑیوں کی رجسٹریشن کا ونڈو پہلے ہی کھل چکا ہے اور 20 جنوری تک جاری رہے گا۔یہ سیزن 26 مارچ سے 3 مئی تک جاری رہے گا، اور نئی ٹیموں حیدرآباد اور سیالکوٹ کی شمولیت سے مزید دلچسپی بڑھے گی۔ دوسری جانب کئی غیر ملکی کھلاڑیوں نے بھی پی ایس ایل میں دو نئی ٹیموں کے اضافے کا خیر مقدم کرتے ہوئے کہا ہے کہ اس سے نئے کھلاڑیوں کو سامنےآنے کا موقع ملے گا۔
