• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

منشیات کی بھاری مقدار سمگل کرنے کی کوشش ناکام ،5.25من چرس برآمد

میرا شہر
پشاور
14 جنوری ، 2026
پشاور (خصوصی نامہ نگار) خیبر پختونخوا حکومت کی منشیات کے خلاف زیرو ٹالرنس پالیسی اور صوبائی وزیر ایکسائز، ٹیکسیشن و نارکوٹکس کنٹرول سید فخر جہان کی ہدایات کی روشنی میں صوبہ بھر میں جاری انسداد منشیات آپریشن کے تسلسل میں محکمہ ایکسائز و ٹیکسیشن اور نارکوٹکس کنٹرول نے ایک اور بڑی کامیابی حاصل کی ہے۔نوشہرہ عجب باغ چیک پوسٹ تھانہ ایکسائز مردان کی جانب سے کی گئی کارروائی میں منشیات کی بھاری مقدار سمگل کرنے کی کوشش ناکام بنا دی گئی اور 5.25من (210000گرام) چرس برآمد کرکے مقدمہ درج کیا گیا۔ محکمہ ایکسائز کے مطابق ماجد خان ایکسائز اینڈ ٹیکسیشن آفیسر نارکوٹکس کنٹرول اور عاکف نواز خان سرکل آفیسر کے زیر نگرانی عماد خان ایس ایچ او تھانہ ایکسائز مردان کی سربراہی میں لال گل خان سب انسپکٹر انچارج چوکی عجب باغ نے بمعہ دیگر نفری عجب باغ چیک پوسٹ پر کارروائی کے دوران بھاری مقدار میں منشیات سمگلنگ کی کوشش ناکام بناتے ہوئے دوران تلاشی گاڑی نمبر ایل ای ایس 8670سے 5.25 من (210000 گرام) چرس برآمد کی اور مزید تفتیش اور قانونی کاروائی کے لئے تھانہ ایکسائز مردان میں مقدمہ درج کر دیا گیا۔ صوبائی وزیر ایکسائز سید فخر جہان نے واضح کیا ہے کہ منشیات کی سمگلنگ اور فروخت میں ملوث عناصر کے خلاف زیرو ٹالرنس پالیسی پر ہر صورت عمل درآمد یقینی بنایا جائے گا۔
پشاور سے مزید