فرمان الہی
نماز کے اوقات
اسلام آباد (طاہر خلیل) پاکستان اور متحدہ عرب امارات میں امیگریشن آسان بنانے کیلئے ’’پری امیگریشن کلیئرنس‘‘ پر اتفاق کیا گیا جلد باضابطہ معاہدے کا اعلان کیا جائیگا، معاہدے کے بعد مسافروں کی امیگریشن پاکستان میں ہی ہوگی، امارات میں طویل کارروائی سے نہیں گزرنا پڑے گا، ڈومیسٹک مسافروں کی طرح ایئرپورٹ سے باہر نکل سکیں گے۔ تفصیلات کے مطابق وفاقی وزیرِ داخلہ محسن نقوی سے ڈائریکٹر جنرل کسٹمز و پورٹ سیکورٹی احمد بن لاحج الفلاسی کی سربراہی میں متحدہ عرب امارات کے وفد نے ملاقات کی۔ ملاقات میں پاک-یو اے ای تعلقات، باہمی تعاون اور مسافروں کیلئے امیگریشن عمل مزید آسان بنانے سے متعلق تفصیلی تبادلہ خیال کیا گیا۔ ملاقات میں اس امر پر اتفاق کیا گیا کہ پاکستان اور متحدہ عرب امارات کے درمیان ’’پری امیگریشن کلیئرنس‘‘ کے حوالے سے باضابطہ معاہدہ کیا جائیگا۔
