• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انسانی اسمگلنگ کی روک تھام، جدید رسک اینالیسس یونٹ قائم

آج کا اخبار
اہم خبریں
16 جنوری ، 2026
کراچی( ثاقب صغیر )ایف آئی اے لاہور زون میں انسانی اسمگلنگ کی روک تھام کے لیے جدید رسک اینالیسس یونٹ قائم کر دیا گیا۔انٹرنیشنل سینٹر فار مائیگریشن پالیسی ڈیولپمنٹ پاکستان کے تعاون سے ایف آئی اے لاہور زون میں جدید رسک اینالیسس یونٹ کا افتتاح کیا گیا۔ افتتاحی تقریب میں ڈائریکٹر ایف آئی اے لاہور زون، آئی سی ایم پی ڈی پاکستان، یورپی یونین کے پاکستان میں وفد اور رکن ممالک کے نمائندگان نے شرکت کی۔ یونٹ سے بارڈر مینجمنٹ، امیگریشن کنٹرول اور انٹیلیجنس پر مبنی کارروائیوں کو مزید مؤثر بنایا جا سکے گا۔اس نظام سے انسانی اسمگلنگ اور ٹریفکنگ کے نیٹ ورکس کو جدید تجزیاتی نظام اور ڈیٹا پر مبنی حکمت عملی کے ذریعے روکا جا سکے گا۔نیا قائم کردہ رسک اینالیسس یونٹ مسافروں کے ڈیٹا،سفری پیٹرن اور انٹیلیجنس معلومات کا تجزیہ کرے گا۔ڈیٹا کے تجزے سے انسانی اسمگلنگ، جعلی دستاویزات اور غیر قانونی ہجرت سے متعلق سرگرمیوں کی بروقت نشاندہی ممکن ہو گی۔یہ یونٹ قانون نافذ کرنے والے اداروں کو بروقت اور ہدفی کارروائی کرنے میں معاونت فراہم کرے گا۔حکام کے مطابق یہ اقدام انسانی اسمگلنگ اور غیر قانونی ہجرت کی روک تھام کے لیے ایک اہم سنگ میل ہے۔اس اقدام کا مقصد ایف آئی اے کی امیگریشن صلاحیتوں میں اضافہ کرنا ہے۔اس موقع پر ڈائریکٹر ایف آئی اے لاہور کیپٹن (ر) محمد علی ضیاء نے کہا کہ انسانی اسمگلنگ نہ صرف شہریوں کے استحصال کا باعث بنتی ہے بلکہ ملک کی بین الاقوامی ساکھ کو بھی متاثر کرتی ہے۔
اہم خبریں سے مزید