• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی میں ٹریفک پولیس افسران کے ذریعے "ای چالان" کرنے کی تیاری

آج کا اخبار
اہم خبریں
16 جنوری ، 2026
کراچی( افضل ندیم ڈوگر)کراچی میں ٹریفک پولیس افسران کے ذریعے "ای چالان" کرنے کی تیاری، سیف سٹی کے کیمروں کے ذریعے ای چالاننگ کے بعد اب موبائل فون کے خصوصی ایپ کے ذریعے بھی ای چالان کا سلسلہ شروع کیا جا رہا ہے۔ پولیس حکام کے مطابق اس سلسلے میں ایک خصوصی ایپ تیار کرالی گئی ہے۔ جس سے جلد ہی تجرباتی طور پر کام شروع کیا جائے گا۔ حکام کے مطابق یہ ایپ کراچی کے مجاز پولیس افسران کے ذاتی موبائل فون میں ڈاؤن لوڈ کی جائے گی۔ پولیس افسر ڈیوٹی کے دوران اپنے علاقے میں کسی بھی گاڑی کی ٹریفک قوانین کی خلاف ورزی دیکھے گا تو وہ ایپ کے ذریعے تصویر بنائے گا۔ خود کار سسٹم کے تحت وہ تصویر ٹریفک پولیس کے ای چالاننگ افسر تک جائے گی۔ جو اس خلاف ورزی کا ای چالان جاری کرے گا۔ مذکورہ چالان میں ٹریفک پولیس افسر کی بھی نشاندہی کی جائے گی۔ ذرائع کے مطابق اس سلسلے میں تجرباتی طور پر سلسلہ جلد شروع کیا جائے گا۔
اہم خبریں سے مزید