فرمان الہی
نماز کے اوقات
کراچی (اسٹاف رپورٹر) دو نئی ٹیموں کی شمولیت کے بعد پاکستان سپر لیگ کے انتظامی ڈھانچے میں تبدیلیوں کا اعلان کر تے ہوئے فیصلہ کیا گیا ہے کہگیارہویں ایڈیشن میں کھلاڑیوں کا انتخاب، ڈرافٹ کے بجائے نیلامی سے ہوگا، نیلامی سے ٹیموں میں توازن پیدا کرنے میں مدد ملے گی، جس سے کھلاڑیوں کو بھی مالی فائدے کا موقع ملے گا۔ نئی تبدیلی سے اگلے ایڈیشن میں مینٹورز، برانڈ ایمبیسڈر اور رائٹ ٹو میچ قوانین کو ختم کردیا گیا ہے، آکشن سے قبل ہر فرنچائز ٹوٹل 4 کھلاڑی ریٹین کرسکتی ہے مگر ہر کیٹیگری میں زیادہ سے زیادہ ایک کھلاڑی ہوگا۔ نئی آنے والی دونوں ٹیموں کو آکشن سے قبل چار چار کھلاڑی منتخب کرنے کا موقع ملے گا جب کہ ہر فرنچائز کو ایک انٹرنیشنل کھلاڑی کو ڈائریکٹ سائن کرنے کی اجازت دے دی گئی ہے۔ ڈائریکٹ سائننگ کے لیے اہل بین الاقوامی کھلاڑی کے لیے لازمی ہوگا کہ وہ 2025 ایڈیشن کا حصہ نہ رہا ہو۔ واضح رہے کہ ایچ بی ایل پی ایس ایل کا 11واں ایڈیشن 26 مارچ سے شروع ہوگا، اس سیزن کے کچھ میچز کا انعقاد پہلی بار اقبال اسٹیڈیم فیصل آباد میں بھی کیا جائے گا۔
