فرمان الہی
نماز کے اوقات
کراچی (اسٹاف رپورٹر) وزیر بلدیات، ہاوسنگ و ٹاؤن پلاننگ سندھ ناصر حسین شاہ نے ٹاؤن اور یوسی چیئرمینوں کو ہدایت کی ہےکہ وہ ترقیاتی منصوبوں کی خود نگرانی کریں ،بہترین کارکردگی دکھانے والے ٹاؤنز کو حکومتِ سندھ اور ورلڈ بینک کے تعاون سے اضافی ترقیاتی فنڈز فراہم کیے جائیں گے،وزیر بلدیات کی زیر صدارت پیپلز پارٹی کے ٹاؤن چیئرمینوں کا پالیسی اجلاس منعقد ہوا ،اجلاس کا آغاز سانحہ گل پلازہ میں قیمتی انسانی جانوں کے ضیاع پر گہرے دکھ، افسوس اور شہداء کے لیے دعائے مغفرت سے کیا گیا، اجلاس میں سیکریٹری بلدیات، ڈائریکٹر جنرل سندھ بلڈنگ کنٹرول اتھارٹی، پروجیکٹ ڈائریکٹر سندھ سالڈ ویسٹ مینجمنٹ بورڈ اور دیگر متعلقہ اداروں کے سربراہان نے شرکت کی،ناصر حسین شاہ نے کہا کہ وہ تمام سیاسی جماعتوں سے تعلق رکھنے والے ٹاؤن چیئرمینوں سے بلا تفریق ملاقاتیں کر رہے ہیں تاکہ زمینی حقائق کو خود سن کر عوام کو حقیقی ریلیف دیا جا سکے انہوں نے کہا کہ حکومتِ سندھ کی اولین ترجیح صفائی ستھرائی، نکاسی آب، سڑکوں کی بہتری اور شہری سہولتوں کی فراہمی ہے، اجلاس میں حکومتِ سندھ کے جاری انیشی ایٹوز کے تحت نالوں کی صفائی، اندرونی دیواروں کی تعمیر، مون سون سے قبل پیشگی حفاظتی اقدامات اور اس مقصد کے لیے مشینری و اضافی عملے کی فوری تعیناتی کے احکامات جاری کیے گئے۔
