فرمان الہی
نماز کے اوقات
کراچی ( اسٹاف رپورٹر ) سندھ ہائی کورٹ کے آئینی بینچ نے رانو ریچھ کی منتقلی کے بعد کراچی چڑیا گھر کے دیگر نایاب جانوروں کے لئے قدرتی ماحول فراہمی کے لئے حکام کو نوٹس جاری کردیئے، مادہ ریچھ کی قدرتی ماحول منتقلی سے متعلق درخواست کی استدعا میں ترمیم کے حوالے سے سماعت ہوئی، کے ایم سی کے وکیل نے کہا کہ ریگولر بینچ کے روبرو جو درخواست دائر کی گئی تھی اس پر عملدرآمد ہو چکا، اب یہ درخواست غیر موثر ہو چکی ہے نمٹا دی جائے، ریگولر بینچ کے روبرو درخواست میں صرف رانو ریچھ کی منتقلی کی استدعا کی گئی تھی،درخواست گزار کے وکیل نے کہا کہ ریگولر بینچ نے دیگر جانوروں سے متعلق بھی کمیٹی تشکیل دی تھی۔ ہماری درخواست کی استدعا میں ترمیم منظور کی جائے اور مزید سنا جائے، صرف رانو ریچھ نہیں دیگر جانوروں کی زندگی بھی اہم ہے، عدالت نے درخواست میں محکمہ والڈ لائف کو فریق بنانے کی استدعا منظور کرتے ہوئے حکام کو نوٹس جاری کردیئے اور سماعت 25فروری تک ملتوی کردی۔
