فرمان الہی
نماز کے اوقات
کراچی (اسٹاف رپورٹر) پانی چوری کے مقدمات کی فوری سماعت کے لیے واٹر کارپوریشن کا خصوصی ٹربیونل قائم کر دیا گیاجس کا باضابطہ افتتاح چیف جسٹس سندھ ہائی کورٹ جسٹس ظفر احمد راجپوت نے کیا اس موقع پر میئر کراچی بیرسٹر مرتضیٰ وہاب، ٹربیونل کے جج منیر بخش بھٹو بھی چیف جسٹس کے ہمراہ موجود تھے، کراچی واٹر اینڈ سیوریج کارپوریشن کو پانی چوری کے خاتمے کے لیے خصوصی اور مضبوط قانونی اختیارات تفویض کر دیے گئے ہیں ، مرکزی دفتر کارساز میں منعقد افتتاحی تقریب میں سی ای او واٹر کارپوریشن احمد علی صدیقی، سی او او انجینئر اسداللّٰہ خان، سی ایف او عمار علی خان سمیت واٹر کارپوریشن کے دیگر اعلیٰ افسران نے شرکت کی، چیف جسٹس سندھ ہائی کورٹ اور میئر کراچی نے ہائیڈرنٹس سیل مینجمنٹ اور کمپلینٹ مینجمنٹ سینٹر کا دورہ کیا، سی ای او واٹر کارپوریشن احمد علی صدیقی نے نظامِ کار سے متعلق تفصیلی بریفنگ دی، میئر کراچی نے کہا کہ پانی چوری کے خلاف خصوصی ٹربیونل کا قیام عوامی مفاد، شہریوں کے حقوق کے تحفظ اور قیمتی آبی وسائل کے تحفظ کی جانب ایک اہم سنگِ میل ہے ، سندھ حکومت اس معاملے پر کسی قسم کی رعایت نہیں برتے گی۔
