• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران سے ملاقاتیں کھلنے کا انحصار آٹھ فروری کے روئیے پر ہوگا

آج کا اخبار
اہم خبریں
28 جنوری ، 2026
اسلام آباد (محمد صالح ظافر، خصوصی تجزیہ نگار)عمران  خان سے ملاقاتیں کھلنے کا انحصار آٹھ فروری کے روئیے پر ہوگاکھانا تیار کرنے  والے مشقتی  نے بلا وجہ مبینہ  بدزبانی  پر درخواست کرکے ڈیوٹی تبدیل کرالی۔بلند فشار خون سے آنکھوں کے پردے کی دھندلاھٹ سمیت کوئی عارضہ بھی ہو سکتا ہے تفصیلات کے مطابق بانی سے 8فروری کے بعد ملاقاتیں کھلنے کا انحصار اسٹریٹ موومنٹ میں رکھے گئے اس کے رویئے پر ہو گا۔ اس دوران اس نے شہریوں کے امن و سکون سے کھیلنے کی کوشش کی تو ملاقاتوں پر عائد بندش کا عرصہ غیرمعمولی طور پر دراز ہو سکتا ہے۔ اس دوران جیل کے داخلی ذرائع سے پتہ چلا ہے کہ بانی تحریک اپنے مشقتی سے سخت بد زبانی کا مرتکب ہوا ہے جس کے نتیجے میں مشقتی نے جیل انتظامیہ سے درخواست کر کے اپنی ذمہ داری تبدیل کرا لی ہے۔ یہ مشقتی سزا یافتہ بانی کے لئے کھانا تیار کرتا تھا اور اسے دیگر آسائشات فراہم کرتا تھا۔ بانی کے اس رویئے سے اندازہ لگایا گیا ہے کہ وہ بلند فشار خون کا شکار ہے جس کی وجہ سے آنکھوں کے پردے میں دھندلاہٹ سمیت کوئی بھی عارضہ پیدا ہو سکتا ہے۔ ذرائع نے منگل کو جنگ، دی نیوز کی طرف سے رابطے پر بتایا کہ بانی نے باضابطہ طور پر جن عوارض میں مبتلا ہونے کی شکایت کی ہے ان میں اٹھتے بیٹھتے حتیٰ کہ لیٹے ہوئے چکر آنا، سماعت میں خلل جس میں کانوں میں سیٹی کی آواز لگاتار آنا، دانتوں میں تکلیف میں مبتلا ہونا شامل ہے۔ ان تمام بیماریوں کامکمل علاج کیا گیا ہے جن سے وہ اب روبصحت ہے۔
اہم خبریں سے مزید