فرمان الہی
نماز کے اوقات
اسلام آباد(نمائندہ خصوصی )قائم مقام چیئرمین سینیٹ سیدال خان ناصر نے کہا ہے کہ موثر سفارتی حکمت عملی سے پاک امریکا تعلقات مضبوط ہوئے ، پارلیمانی وفود کےتبادلوں سے باہمی اعتماد ،سماجی تعلقات کو فروغ ملا ، ان خیلالات کا اظہار انہوں نے امریکا کے سفارت خانے کی پولیٹیکل قونصلر شیلی اے ڈبلیو سیکسن کی قیادت میں تین رکنی وفد سے ملاقات کے دوران کیا ، ملاقات کے دوران باہمی دلچسپی کے امور، بین الاقوامی سیاست، عالمی و علاقائی معیشت، اقتصادی ترقی، معاشی خوشحالی، امن و استحکام، سیکیورٹی صورتحال اور وسائل کے مؤثر استعمال سمیت مختلف اہم موضوعات پر تفصیلی تبادلۂ خیال کیا گیا۔اس موقع پر قائم مقام چیئرمین سینیٹ سیدال خان ناصر نے کہا کہ پاکستان امریکا کے ساتھ اپنے دو طرفہ تعلقات کو انتہائی قدر کی نگاہ سے دیکھتا ہے، دونوں ممالک کے تعلقات باہمی احترام، اعتماد اور مشترکہ مفادات پر مبنی ہیں، امریکا کے صدر ڈونلڈ ٹرمپ پاکستان پر بھرپور اعتماد کرتے ہیں۔
