• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عالمی فورس میں شمولیت کا فیصلہ ہوا نہ معاہدہ ابراہیمی کا حصہ بنیں گے، پاکستان

آج کا اخبار
اہم خبریں
30 جنوری ، 2026
اسلام آباد(ایجنسیاں)ترجمان دفترخارجہ طاہر حسین اندرابی نےایمان مزاری کیس میں جج کے ایران سے متعلق ریمارکس کو ذاتی رائے قرار دیتے ہوئے کہاہےکہ ایمان مزاری اور ہادی علی چٹھہ کو سزا پاکستان کا داخلی معاملہ ہے‘غزہ امن بورڈ میں شمولیت کا فیصلہ نیک نیتی کے تحت کیا گیا ہے‘ پاکستان معاہدہ ابراہیمی کا حصہ بنے گانہ عالمی استحکام فورس میں شامل ہوگا‘بورڈ آف پیس اور انٹرنیشنل اسٹیبلائزیشن فورس کا آپس میں کوئی تعلق نہیں ہے۔جمعرات کو یہاں ہفتہ وار بریفنگ کے دوران ترجمان نے صحافیوں کے پاکستان کی بورڈ آف پیس میں شمولیت سے متعلق مختلف سوالات کے جوابات دیئے۔ طاہر حسین اندرابی نے کہا کہ اس اقدام کو آٹھ عرب اور اسلامی ممالک کی مشترکہ کاوش کے طور پر دیکھا جانا چاہیے جن میں پاکستان، سعودی عرب، ترکیہ، مصر، اردن، متحدہ عرب امارات، انڈونیشیا اور قطر شامل ہیں‘اس کا مقصد اقوام متحدہ کے مینڈیٹ کے تحت غزہ میں امن کے فروغ کیلئے کام کرنا ہے‘ایسے وقت میں جب دیگر بین الاقوامی طریقہ کار غزہ میں جاری مصائب اور تباہی کو روکنے میں ناکام رہے ہیں، بورڈ آف پیس امید کی ایک کرن فراہم کرتا ہے۔
اہم خبریں سے مزید