فرمان الہی
نماز کے اوقات
برطانیہ میں جنسی جرائم کے اوسطاً 588 کیسوں کیساتھ شرح ریکارڈ حد تک بڑھنے کا انکشاف ہوا ہے۔
برطانوی دفتر برائے قومی شماریات او این ایس کے اعدادو شمار کے مطابق سال بہ سال ستمبر تک 2 لاکھ 14 ہزار 816 جنسی جرائم کے کیس ریکارڈ کیے گئے جن کی شرح میں 8 فیصد اضافہ دیکھا گیا ہے۔
برطانوی ذرائع ابلاغ نے او این ایس شماریات کے اعدادو شمار کو مد نظر رکھتے ہوئے دعویٰ کیا کہ منشیات فروشی اور دکانوں سے چوری کے واقعات کی شرح میں بھی نمایاں اضافہ ریکارڈ کیاگیا ہے۔
اسی طرح جنسی زیادتی کے کیس کی شرح خطرناک حد تک بڑھی ہے ابتک عصمت دری کے واقعات میں تقریباً 8 فیصد اضافہ تشویش کی لہر مانی جا رہی ہے۔
تازہ ریکارڈ کے مطابق جنسی زیادتی کے 74 ہزار سے زائد کیس رپورٹ ہوئے جو روزانہ تقریباً 6 سو واقعات کے برابر بنتے ہیں، سال 2003 میں یہ تعداد 57 ہزار ریکارڈ کی گئی تھی۔
چوری کی شرح بھی نمایاں بڑھی ہے جبکہ منشیات کی اسمگلنگ کے جرائم میں 38 فیصد اضافے سے 75 ہزار سے زیادہ کیس سامنے آئے ہیں۔
منشیات رکھنے کے جرائم میں 15 فیصد اضافے کیساتھ تقریباً ڈیڑھ لاکھ کیس سامنے آئے۔ سال میں تقریباً 83 ہزار کے قریب ڈکیتی کی وارداتیں ریکارڈ ہوئیں۔
