• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نمبر پلیٹ نامعلوم شخص کی زیر استعمال، شہری کے 50 ہزار کے چالان

آج کا اخبار
اہم خبریں
31 جنوری ، 2026
کراچی( ثاقب صغیر )کرے کوئی بھرے کوئی، ٹریفک پولیس کی جانب سے شہری کو دو ماہ میں ٹریفک قوانین کی خلاف ورزی پر 50ہزار روپے مالیت کے چالان کر دئیے گئے،شہری کی گاڑی کی نمبر پلیٹ کا نمبر کوئی اور شخص اپنی گاڑی پر لگا کر چلاتا رہا۔دہلی کالونی کے رہائشی جنید سلیم کو ٹریفک پولیس کراچی کی جانب سے دو ماہ کے اندر 50 ہزار روپے مالیت کے 5 چالان بھیجے جا چکے ہیں۔جن مقامات پر جرمانے کیے گئے اس وقت شہری وہاں موجود ہی نہیں تھا۔شہری کی گاڑی کی نمبر پلیٹ کوئی اور شخص اپنی گاڑی پر لگا کر ٹریفک قوانین کی خلاف ورزی کر رہا ہے۔شہری جنید سلیم کے مطابق پہلے انھیں سہولت سینٹرز کے چکر لگوائے گئے اور پھر گاڑی کو بلیک لسٹ کر دیا گیا۔شہری نے بتایا کہ پہلا چالان 2 نومبر کو حسن اسکوائر لیاری ایکسپریس وے ان پر سیٹ بیلٹ کی خلاف ورزی پر کیا گیا جس میں 10 ہزار روپے جرمانے کے ساتھ دو ڈی میرٹ پوائنس دیے گئے،دوسرا چالان 12 نومبر کو بلوچ کالونی پل شاہراہ فیصل پر سیٹ بیلٹ کی خلاف ورزی پر کیا گیا جس میں 10 ہزار روپے جرمانہ اور دو ڈی میرٹ پوائنٹس دئیے گئے۔تیسرا چالان 13 دسمبر کو بلوچ کالونی پل پر سیٹ بیلٹ کی خلاف ورزی پر کیا گیا جس میں 10 ہزار روپے جرمانہ اور دو ڈی میرٹ پوائنٹس دئیے گئے۔چوتھا چالان 18 دسمبر کو نیشنل اسٹیڈیم فلائی اوور ارینا اینڈ پر موبائل فون کے استعمال پر کیا گیا جس میں 10 ہزار روپے جرمانہ اور چار ڈی میرٹ پوائنٹس دئیے گئے جبکہ پانچواں چالان 26 دسمبر کو نیشنل اسٹیڈیم فلائی اوور ارینا اینڈ پر موبائل فون استعمال کرنے پر کیا گیا جس میں چار ڈی میرٹ پوائنٹس اور 10 ہزار روہے جرمانہ کیا گیا۔شہری کے مطابق وہ پہلے فیروز آباد ٹریفک سہولت سینٹر گیا جہاں پر اس کی شکایت درج کرنے سے انکار کیا گیا۔
اہم خبریں سے مزید