فرمان الہی
نماز کے اوقات
اسلام آباد(جنگ رپورٹر)سپریم کورٹ میں آئندہ عدالتی ہفتہ پاکستان تحریک انصاف کے سابق چیئرمین ، عمران خا ن،بشریٰ بی بی اور شاہ محمود قریشی سے متعلق متعدداہم مقدمات کی سماعت ہو گی،جسٹس محمد ہاشم خان کاکڑ کی سربراہی میں جسٹس صلاح الدین پنہور اورجسٹس اشتیاق ابراہیم پر مشتمل تین رکنی بنچ 18فروری کو ان مقدمات کی سماعت کرے گا،عدالت کی کاز لسٹ کے مطابق، جن مقدمات کی سماعت ہوگی ان میں توشہ خانہ کیس میں اسلام آباد ہائی کورٹ کے اس فیصلے کے خلاف اپیل، جس میں ان کی سزاتو معطل کی گئی تھی لیکن فیصلے کو مکمل طور پر کالعدم قرار نہیں دیا گیا ،سائفر کیس میں بانی پی ٹی آئی اور شاہ محمود قریشی کی بریت کے خلاف دائر اپیل،پنجاب حکومت کی جانب سے بانی پی ٹی آئی اور بشری بی بی کی ضمانتوں کی منسوخی کے لیے دائر درخواستیں،لاہور میں درج 9 مئی کے مقدمات میں بانی پی ٹی آئی کی ضمانت کے خلاف حکومتی اپیل،وزیر اعظم میاں شہباز شریف کے خلاف بانی پی ٹی آئی کی جانب سے دائر کردہ ہرجانہ کے کیس کی اپیل شامل ہے جبکہ بشری بی بی اور شاہ محمود قریشی سے متعلق ایک ایک الگ کیس بھی سماعت کے لیے مقرر کیا گیا ، یاد رہے کہ ان مقدمات کی سماعت کے لیے بینچ کی تشکیل کے احکامات9 فروری کو چیف جسٹس یحیٰ آفریدی نے جاری کیے تھے۔
