فرمان الہی
نماز کے اوقات
انڈین اسپیس ریسرچ آرگنائزیشن (اسرو) کے 65 سالہ سابق ملازم نے مبینہ طور پر اپنی بیوی کو گلا دبا کر قتل کر دیا۔
بھارتی میڈیا کی رپورٹ کے مطابق بنگلورو کا رہائشی ناگیشور راؤ ڈپریشن کی وجہ سے زیرِ علاج تھا، اس نے بدھ کے روز تولیے سے گلا دبا کر اپنی بیوی سندیا سری کا قتل کیا اور اس کے بعد خودکشی کرنے کی کوشش کی۔
رپورٹ میں بتایا گیا ہے کہ قتل کے بعد ناگیشور راؤ گھر میں ہی رہا اور اس نے اپنے ایک جاننے والے سے رابطہ کیا جس نے صبح 11 بجے کے قریب پولیس کو واقعے کی اطلاع دی پھر پولیس کی ایک ٹیم نے ناگیشور راؤ کو اپنی تحویل میں لے لیا۔
رپورٹ کے مطابق ابتدائی تفتیش کے دوران سوائے ڈپریشن کے قتل کی کوئی بڑی وجہ سامنے نہیں آئی۔
رپورٹ میں یہ بھی بتایا گیا ہے کہ ناگیشور راؤ اور سندیا سری کی بیٹی امریکا میں رہتی ہے، جسے اس واقعے کی اطلاع دے دی گئی ہے۔
