فرمان الہی
نماز کے اوقات
اسلام آباد(ممتاز علوی ) الیکشن کمیشن آف پاکستان نے جمعرات کو ایک بار پھر بلوچستان کے حلقہ پی بی-21حب سے پیپلز پارٹی کے علی حسن زہری کو کامیاب امیدوار قرار دیتے ہوئے 19 دسمبر 2024کو جاری کیا گیا نوٹیفکیشن بحال کر دیا۔ ان کے مدمقابل بلوچستان عوامی پارٹی کے محمد صالح بھوتانی تھے، جنہیں 8 فروری 2024 کے عام انتخابات میں اُس وقت کے ریٹرننگ افسر نثار احمد نے کامیاب قرار دیا تھا۔ اس ابتدائی نتیجے میں زہری تیسرے نمبر پر جبکہ نیشنل پارٹی کے رجب علی دوسرے نمبر پر رہے تھے۔نوٹیفکیشن کی بحالی عام انتخابات کے دو سال بعد سامنے آئی ہے اور یہ پیش رفت اُس کے ایک دن بعد ہوئی جب الیکشن کمیشن نے حلقے کے 39 پولنگ اسٹیشنوں پر ڈالے گئے ووٹوں کی دوبارہ گنتی کا حکم دیا تھا، جسے “جلد از جلد مگر تین کاری دنوں کے اندر” مکمل کرنے کی ہدایت کی گئی تھی۔تاہم نوٹیفکیشن کی بحالی کے باوجود دوبارہ گنتی کا معاملہ ختم نہیں ہوا کیونکہ یہ اب اسلام آباد ہائی کورٹ پہنچ چکا ہے، جس نے جمعرات کو حکمِ امتناع جاری کرتے ہوئے فریقین کو نوٹسز بھیجے اور قرار دیا کہ آئندہ سماعت تک نوٹیفکیشن معطل رہے گا۔
