• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی کینٹ، بھاٹہ چوک منڈی مویشیاں و پارکنگ دوبارہ جلد نیلامی کا فیصلہ

میرا شہر
اسلام آباد
23 مارچ ، 2026
راولپنڈی (ساجد چوہدری) راولپنڈی کنٹونمنٹ بورڈ نے بھاٹہ چوک پر پورے سال کیلئے منڈی مویشیاں و پارکنگ کی بولی بیس پرائس سے نصف آنے پر دوبارہ آکشن میں جانے کا فیصلہ کیا ہے ، گزشتہ سال عیدالاضحیٰ کے موقع پر چند دنوں کیلئے قربانیوں کے جانوروں کی خریدو فروخت کیلئے یہاں پر منڈی مویشیاں 16کروڑ 57لاکھ روپے میں نیلام ہوئی تھی ، کینٹ بورڈ حکام کے مطابق چند روز قبل راولپنڈی کنٹونمنٹ بورڈ نے یہی جگہ پورے سال کیلئے منڈی مویشیاں اور پارکنگ کیلئے نیلامی کیلئے پیش کی تو اس کی بیس پرائس چالیس کروڑ روپے رکھی مگر صرف ایک ہی کنٹریکٹر کی طرف سے 20کروڑ روپے کی بولی آئی تھی جس پر اب فیصلہ کیا گیا ہے کہ جلد ہی دوبارہ اس جگہ کو منڈی مویشیاں اور پارکنگ کے لئے آکشن کیا جائے گا ، اور دس فیصد اضافہ کے ساتھ تین سال کے لئے یہ جگہ آکشن کی جائے گی جہاں پر صرف منڈی مویشیاں اور پارکنگ ہی ہو گی ، کینٹ بورڈ حکام کا کہنا ہے کہ چالیس کروڑ روپے کی بیس پرائس کو آئندہ نیلامی کے موقع پر بڑھائے جانے کا امکان ہے اور کینٹ بورڈ کو توقع ہے کہ چالیس کروڑ روپے سے زیادہ میں منڈی مویشیاں و پارکنگ نیلام ہو جائے گی۔
اسلام آباد سے مزید