• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلوچستان کےہیلتھ ملازمین کے مسائل حل کئے جائینگے، مصطفیٰ کمال

میرا شہر
کوئٹہ
15 اپریل ، 2026
کوئٹہ(پ ر) پاکستان الائیڈ ہیلتھ پروفیشنلز رجسٹرڈ 2076 ایسوسی ایشن بلوچستان کے وفد نے اسلام آباد میں وفاقی وزیر صحت مصطفی کمال سے ملاقات کی ، وفدکی قیادت صوبائی صدر اور مرکزی جنرل سیکرٹری حاجی شفا مینگل کر رہے تھے، وفد میں صوبائی جنرل سیکرٹری محمد سعید بوریوال، ڈپٹی جنرل سیکرٹری محمد طاہر ووتک، صوبائی ترجمان امین الحق مندوخیل ، افس سیکرٹری محمد اختر کرد، سینئر نائب صدر امین اللہ بشر اور وائس چیئرمین نیک محمدخلجی شامل تھے۔ملاقات کے دوران الائیڈ ہیلتھ پروفیشنلز کونسل بلوچستان کو درپیش مسائل اور دیگر اہم امور پر تفصیلی گفتگو کی گئی۔ اس موقع پر وفد نے اپنے مطالبات پر مشتمل چارٹر آف ڈیمانڈ بھی وفاقی وزیر صحت کو پیش کیا۔وفاقی وزیر صحت مصطفیٰ کمال نے موقع پر ہی چارٹر آف ڈیمانڈ کا جائزہ لیتے ہوئے جسمیں پاکستان بھرکونسل کے توسط سے یکساں سروس اسٹریکچراوربلوچستان میں ویکسینٹرزکے مسائل سے متعلق حکام کو فوری کارروائی کے احکامات جاری کیے اور محکمہ صحت کو ہدایات دیں کہ ان مسائل کو ترجیحی بنیادوں پر حل کیا جائے۔انہوں نے وفد کو یقین دہانی کرائی کہ صوبہ بلوچستان سمیت پورے پاکستان میں پیرا میڈیکس اور الائیڈ ہیلتھ پروفیشنلز کو درپیش مسائل کے حل کے لیے عملی اقدامات کیے جائیں گے۔
کوئٹہ سے مزید