• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

طاقتور پاسپورٹ میں سنگاپور سرفہرست، کمزور ترین میں پاکستان کا چوتھا نمبر

آج کا اخبار
اہم خبریں
04 مئی ، 2026
سنگاپور سٹی (جنگ نیوز) دنیا کے طاقتور اور کمزور پاسپورٹس کی فہرست جاری، سنگاپور کا پہلا نمبر، دوسرے نمبر پر تین ممالک جاپان، جنوبی کوریا اور امارات، پاکستان کا کمزور ترین پاسپورٹس میں چوتھا نمبر ہے۔ کمزور پاسپورٹس والے ممالک میں سیاسی عدم استحکام، تنازعات اور ہجرت کے بڑھتے رجحانات جیسے عوامل شامل ہیں۔ دنیا کے طاقتور اور کمزور ترین پاسپورٹس کی فہرست سامنے آگئی۔ عالمی ادارے ہینلی پاسپورٹ انڈیکس کی تازہ درجہ بندی کے مطابق دنیا کے طاقتور پاسپورٹس کی فہرست جاری کر دی گئی ، جس میں سنگاپور بدستور پہلے نمبر پر موجود ہے جبکہ پاکستان کا کمزور ترین پاسپورٹس میں چوتھا نمبر ہے۔ سنگاپور کے شہری بغیر ویزا 192 ممالک کا سفر کر سکتے ہیں جو عالمی سطح پر سب سے زیادہ رسائی ہے۔ دوسرے نمبر پر تین ممالک جاپان، جنوبی کوریا اور متحدہ عرب امارات مشترکہ طور پر موجود ہیں، جن کے شہری 187 ممالک تک ویزا فری رسائی رکھتے ہیں۔ اس کے بعد ناروے اور سوئٹزرلینڈ 185 ممالک کے ساتھ نمایاں ہیں۔رپورٹ کے مطابق یورپی ممالک مجموعی طور پر پاسپورٹ طاقت میں سرفہرست ہیں، جبکہ یورپی یونین کا اوسط 183 ممالک تک ویزا فری رسائی بنتا ہے جو ملائیشیا اور برطانیہ کے برابر ہے۔دوسری جانب کمزور پاسپورٹس کی فہرست میں افغانستان سب سے نچلے نمبر پر ہے، جہاں شہری صرف 23 ممالک تک بغیر ویزا سفر کر سکتے ہیں۔ کمزور ترین پاسپورٹس میں دوسرا نمبر شام کے پاسپورٹ کا ہے، عراق کا تیسرا نمبر ہے۔
اہم خبریں سے مزید