فرمان الہی
نماز کے اوقات
کراچی (اسٹاف رپورٹر) ادارہ نور حق میں امراء اضلاع اجلاس سے خطاب کرتے ہوئے قائم مقام امیر جماعت اسلامی کراچی سیف الدین ایڈوکیٹ نے کہا ہے کہ وفاقی و صوبائی حکومتوں کی نااہلی، عوام دشمن فیصلوں نے عوام کی زندگی اجیرن بنا دی ہے، واٹر کارپوریشن اور سالڈ ویسٹ مینجمنٹ کی نا اہلی ، بد انتظامی اور کرپشن کی سزا کراچی کے عوام بھگت رہے ہیں، اس موقع پر شہر کے تباہ حال انفرا اسٹرکچر ، پانی کی عدم فراہمی ، ٹوٹی پھوٹی سڑکیں، جگہ جگہ کچرے کے ڈھیروں کے باعث پیدا شدہ صورتحال اور شہریوں کو درپیش مشکلات و پریشانیوں پر گہری تشویش کا اظہار کیا گیا اورسندھ حکومت و کے ایم سی کی نا اہلی و بد انتظامی ، اختیارات و وسائل نچلی سطح پر منتقل نہ کرنے بڑھتی ہوئی مہنگائی ، پیٹرولیم مصنوعات کی قیمتوں میں ہوشر با اضافے بالخصوص پیٹرولیم لیوی کی نا جائز اور ظالمانہ وصولی کی بھی شدید مذمت کی گئی۔
