• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایسے حملے کرینگے جن سے اسرائیل سے بھاگنے کے رحجان میں شدت آئے، ایران

آج کا اخبار
اہم خبریں
26 جولائی ، 2026
کراچی ( جنگ نیوز)ایران نے اسرائیل کی جانب سے کسی بھی نئے حملے کی صورت میں اسرائیل کے اندر نئے اہداف کی ایک فہرست تیار کر لی ہے۔ یہ بات ایک ایرانی سکیورٹی ذریعے نے الجزیرہ کو بتائی۔ذریعے کے مطابق، نئی فہرست میں ایسے اہداف شامل ہیں جنہیں نشانہ بنانے کے بعد برسوں تک دوبارہ تعمیر یا بحال کرنا ممکن نہیں ہوگا، اور ایسے حملوں سے "اسرائیل سے ہجرت کے رجحان میں تیزی آئے گی۔"یہ بیان ایسے وقت سامنے آیا ہے جب ایران شہید علی محمدی تنصیب، جسے انگریزی ذرائع ابلاغ میں "پک ایکس ماؤنٹین" (Pickaxe Mountain) کہا جاتا ہے، کے حوالے سے غیر معمولی حساسیت کا مظاہرہ کر رہا ہے۔یہ تنصیب نطنز کے جوہری کمپلیکس سے تقریباً 2 کلومیٹر (1.4 میل) کے فاصلے پر واقع ہے۔ اگرچہ اس کی تعمیر ابھی جاری ہے، تاہم اس میں پہاڑ کے اندر گہرائی میں بنائی گئی سرنگیں اور زیرِ زمین کمپلیکس شامل ہیں، جس کے باعث اسے ایران کی سب سے زیادہ محفوظ اور مضبوط دفاعی تنصیبات میں شمار کیا جاتا ہے۔ایرانی ذرائع نے خبردار کیا ہے کہ اگر اس مقام پر حملہ کیا گیا تو ایران اسرائیل کے خلاف جوابی کارروائی کرے گا، خواہ یہ حملہ امریکہ ہی کیوں نہ کرے اور اسرائیل اس میں اپنی شمولیت کا باضابطہ اعلان نہ کرے۔ایران کا مؤقف ہے کہ یہ تنصیب جدید سینٹری فیوجز (Centrifuges) کی تیاری اور اسمبلنگ کے لیے استعمال کی جا رہی ہے، جبکہ امریکی اور اسرائیلی انٹیلی جنس اداروں کو شبہ ہے کہ یہاں خفیہ طور پر یورینیم افزودگی (Uranium Enrichment) کی سہولت قائم کی ۔
اہم خبریں سے مزید