• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کمشنر ملتان ڈویژن کا زیر تعمیر ملتان لودھراں روڈ کا دورہ‘ جاری کام کا جائزہ

میرا شہر
ملتان
16 ستمبر ، 2026
ملتان (سٹاف رپورٹر) کمشنر ملتان ڈویژن عامر کریم خاں نے زیر تعمیر ملتان لودھراں روڈ کا دورہ کیا اور منصوبے پر جاری تعمیراتی کام، معیار اور پیش رفت کا تفصیلی جائزہ لیا، نیشنل ہائی وے اور مواصلات کے افسران نے کمشنر کو منصوبے پر جاری کام کے حوالے سے بریفنگ دی،کمشنر عامر کریم خاں نے کہا کہ 62 کلومیٹر طویل ملتان لودھراں روڈ منصوبہ ساڑھے 4 ارب روپے کی لاگت سے مکمل کیا جا رہا ہے جبکہ منصوبہ جنوری 2027 تک مکمل کر لیا جائے گا،کمشنر نے کہا کہ تعمیراتی کام کے معیار پر کسی قسم کا سمجھوتہ نہ کیا جائے اور ایس او پیز کے عین مطابق معیاری تعمیراتی کام یقینی بنایا جائے،انہوں نے ملتان لودھراں روڈ کے سینٹرل میڈین کی ابھی سے نشاندہی کرکے تعمیر کے ساتھ پلانٹیشن کا کام شروع کرنے کی ہدایت کی، انہوں نے 62 کلومیٹر روڈ پر پلانٹیشن کے لیے مختلف مقامات کی نشاندہی کرنے اور تعمیراتی کام کے ساتھ شجرکاری کا عمل بھی جاری رکھنے کا حکم دیا،کمشنر نے کہا کہ بستی ملوک، لاڑ سمیت بلٹ اپ ایریاز میں سروس روڈز کی تعمیر جاری ہے، جبکہ روڈ کے اطراف پانی کے مناسب نکاس کے لیے ڈرینز کی تعمیر بھی یقینی بنائی جائے،انہوں نے میڈین بیریئرز اور کرب سٹونز کی تنصیب کے ذریعے روڈ کی خوبصورتی اور حفاظت یقینی بنانے کی ہدایت کرتے ہوئے تعمیراتی کاموں کی گاہے بگاہے چیکنگ جاری رکھنے کا حکم دیا۔ڈی سی لودھراں محمد اشرف اور دیگر متعلقہ افسران بھی اس موقع پر موجود تھے۔
ملتان سے مزید