• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دیر لوئرکے نوجوان سائنسدان حبیب خان دنیا کے ٹاپ 2 فیصد سائنسدانوں میں شامل ہوگئے

میرا شہر
پشاور
12 اکتوبر ، 2026
پشاور (لیڈی رپورٹر) میدان، ضلع دیر سے تعلق رکھنے والے نوجوان سائنسدان اور اسلامیہ کالج پشاور کے سابق طالب علم حبیب خان کو امریکہ کی اسٹینفورڈ یونیورسٹی اور Elsevier کی جانب سے جاری کردہ 2026کی عالمی فہرست میں دنیا کے ٹاپ 2فیصد سائنسدانوں میں شامل کر لیا گیا ہے۔ انہیں مصنوعی ذہانت کے شعبے میں نمایاں تحقیقی خدمات پر یہ اعزاز ملا۔حبیب خان اس وقت جنوبی کوریا کے دارالحکومت سیول میں ایک اے آئی کمپنی میں سینئر ریسرچ سائنٹسٹ اور اے آئی ٹیم لیڈ کے طور پر خدمات انجام دے رہے ہیں۔ وہ فضائی و بحری راستوں کی منصوبہ بندی اور سمندری ماحولیاتی مسائل کے حل کے لیے مصنوعی ذہانت پر تحقیق کر رہے ہیں، جبکہ گاچون یونیورسٹی سے بھی بطور محقق وابستہ ہیں۔ان کے تحقیقی مقالوں کو 1900سے زائد citations مل چکے ہیں، جبکہ ان کے سات مقالوں کو Clarivate کی جانب سے Highly Cited اور Hot Papers قرار دیا گیا۔ ڈیپ فیک کی شناخت پر تحقیق کے اعتراف میں انہیں IEEE Chester Sall Award اور 1000 امریکی ڈالر انعام بھی مل چکا ہے۔
پشاور سے مزید