ناپا کے کوئٹہ کیمپس کے قیام کے لئے مفاہمت کی یاداشت پر دستخط

آج کا اخبار

ملک بھر سے

13 اکتوبر ، 2026

کراچی(مطلوب حسین)نیشنل اکیڈمی آف پرفارمنگ آرٹس ( ناپا) اورحکومت بلوچستان کے درمیان کوئٹہ کیمپس کے قیام کے لئے مفاہمت کی یاداشت پر دستخط کئے گئے ،تفصیلات کے مطابق نیشنل اکیڈمی آف پرفارمنگ آرٹس (ناپا) اور ڈائریکٹوریٹ آف کلچر، حکومت بلوچستان نے پیر کے روز کوئٹہ میں ناپا کا کیمپس قائم کرنے کے لیے ایک مفاہمت کی یادداشت (MOU) پر دستخط کیے۔ یہ کراچی سے باہر ناپا کا اپنی نوعیت کا پہلا کیمپس ہوگا۔اس معاہدے پر ناپا کی جانب سے چیئرمین سید جاوید اقبال اور ڈائریکٹوریٹ کی جانب سے بلوچستان کے سیکریٹری برائے ثقافت، سیاحت و آرکائیوز، حمید اللہ ناصر نے دستخط کیے۔ اس موقع پر ناپا بورڈ آف ڈائریکٹرز کی رکن محترمہ روشن خورشید بروچا اور ڈائریکٹر کلچر داؤد ترین کے علاوہ فنکاروں، میڈیا، ثقافتی اور سول سوسائٹی کی متعدد شخصیات بھی موجود تھیں۔اس موقع پر خطاب کرتے ہوئے ناپا بورڈ کے چیئرمین سید جاوید اقبال اور محترمہ بروچا نے امید ظاہر کی کہ ناپا بلوچستان میں پرفارمنگ آرٹس (فنِ اداکاری و موسیقی وغیرہ) کے فروغ کی راہ ہموار کرے گا، جہاں سے پہلے ہی کئی طلبہ کراچی میں ناپا کے مرکزی کیمپس میں آتے رہے ہیں۔

ملک بھر سے سے مزید