• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میٹرک دوسرا سالانہ امتحان، مزید جعلی امیدوار پکڑے گئے

میرا شہر
لاہور
20 اکتوبر ، 2026
لاہور(خبرنگار)بورڈ آف انٹرمیڈیٹ اینڈ سیکنڈری ایجوکیشن لاہور کے زیر اہتمام میٹرک امتحانات (دوسرا سالانہ) 2026ء کے دوران ریاضی کے پرچے میں کنٹرولر امتحانات نے مختلف سینٹرز کے وزٹ کیے جس کے دوران جعلی امیدوار اور ناجائز ذرائع کے استعمال کے خلاف کارروائی کرتے ہوئے امیدواروں کو موقع پر رنگے ہاتھوں پکڑ لیا گیا گورنمنٹ ہائر سیکنڈری سکول فور بوائز ننگل شاہدن مریدکے سینٹر سے جعلی امیدوار شعیب خالد 129727 کی جگہ محمد اشرف جبکہ امتحانی مرکز U سینٹر میں رولنمبر 160629 محمد ساحل کی جگہ ساحل حیات امتحان دیتے ہوئے رنگے ہاتھوں پکڑے گئے جن پر قانونی کاروئی کے لیے حوالہ پولیس کر دیا گیا ہے اس کے علاوہ ​گورنمنت ہائی سکول رائے ونڈ سینٹر سے امیدوار محمد علی عباس رولنمبر 132139کو موقع پر نقل کرتے ہوئے رنگے ہاتھوں پکڑا لیا۔​گورنمنٹ گریجویٹ کالج فار بوائز رائے ونڈ سینٹر سے امیدوار ریان خان رولنمبر 131511 کو ناجائز ذرائع استعمال کرتے ہوئے موقع پر پکڑ لیا گیا ​اس موقع پر کنٹرولر امتحانات توصیف الرحمان کا کہنا تھا کہ امتحانات کے دوران کسی بھی قسم کی غیر قانونی سرگرمی اور نقل پر مکمل ’زیرو ٹالرینس پالیسی‘نافذ ہے۔ امتحانی شفافیت پر کوئی سمجھوتہ نہیں کیا جائے گا اور نقل کرنے والوں یا امتحانی عمل میں خلل ڈالنے والے عناصر کو کسی صورت معاف نہیں کیا جائے گا۔
لاہور سے مزید