نالہ لئی میں پانی کی سطح بلند، فوج امدادی کاموں میں مصروف ہے: ISPR

پاک فوج کے شعبہ تعلقاتِ عامہ (آئی ایس پی آر) کا کہنا ہے کہ موسلا دھار بارش کی وجہ سے راولپنڈی کے نالہ لئی میں پانی کی سطح بلند ہو گئی اور سیکٹر ای 11 میں پانی جمع ہو گیا۔

جاری کیئے گئے اعلامیئے میں آئی ایس پی آر کا مزید کہنا ہے کہ فوج کے دستے بچاؤ اور امدادی کاموں میں سول انتظامیہ کی مدد میں مصروف ہیں۔

آئی ایس پی آر کا یہ بھی کہنا ہے کہ سیلاب کی کسی بھی صورتِ حال سے نمٹنے کے لیے ہنگامی بنیادوں پر تیاریاں مکمل کر لی گئی ہیں۔

اسلام آباد، بادل پھٹنے کے باعث مختلف علاقوں میں سیلاب آگیا ہے

وفاقی دارالحکومت اسلام آباد میں بادل پھٹنے کے باعث مختلف علاقوں میں سیلاب آگیا ہے۔

واضح رہے کہ وفاقی دارالحکومت اسلام آباد میں بادل پھٹنے کے باعث مختلف علاقوں میں سیلاب آ گیا ہے۔

اسلام آباد اور راولپنڈی میں موسلادھار بارش کے باعث وفاقی دارالحکومت اور جڑواں شہر کے کئی علاقوں میں سیلابی صورتِ حال پیدا ہوگئی ہے، مکانات میں پانی داخل ہو گیا ہے۔

سیکٹر ای الیون اور ڈی 12 میں سیلابی ریلے میں متعدد گاڑیاں بہہ گئی ہیں۔

کراچی میں صبح بوندا باندی، پنجاب، KPK میں تیز بارش کا امکان

کراچی کے اوپر گہرے بادلوں کا راج ہے جبکہ صبح سویرے مختلف علاقوں میں بوندا باندی ہوئی، محکمۂ موسمیات کے مطابق کراچی میں آج مطلع ابر آلود رہنے اور مزید بوندا باندی ہونے کا امکان ہے۔

نالہ لئی میں پانی کی سطح میں مسلسل اضافہ ہورہا ہے، خطرے کے پیشِ نظر سائرن بجائے جانے لگے ہیں، طغیانی کے خطرے کے باعث پاک فوج کے دستے طلب کر لیئے گئے ہیں۔

سیکٹر ای الیون میں کلاؤڈ برسٹ کے بعد امدادی کام جاری ہے، آرمی کی ریسکیو ٹیمیں ای الیون میں امدادی کاموں میں مصروف ہیں۔